Miopiyasi borlar juda ko’p. Biz o’ylagandan ancha ko’p. Ammo ko’pchilik ko’zoynak taqmaydi. Bu esa yaxshi emas.

Nega ko’zoynak taqmaymiz? Asosiy sababi odamlar nima deydi. Qiz 18 yoshga to’lishi bilan borib lazer qildiramiz, sababi sovchilar bilib qolmasin, qudalar bilmasin.

Aslida aksar insonlar lazer qildirishi shart emas. Oddiy ko’zoynak bilan muammo hal bo’ladi. Ammo yana o’sha gap ”odamlar nima deydi?”

O’zi nega ko’zoynak taqqimiz kelmaydi? Bu muammo bolalarda va o’smirlarda juda ko’p kuzatiladi. Ularda o’ziga bo’lgan ishonch hali to’liq rivojlanmagan. Hamma ularga e’tibor berayotgandek. Tengdoshlari masxara qilishidan qo’rqadi. Shu sabab xohlashmaydi. Aslida odamlarni siz bilan, ular bilan, hech kim bilan umuman ishi yo’q. Hamma o’zi bilan ovora.

Bolalar uchun ko’zoynak taqishni boshlashdagi eng og’ir kun bu birinchi kun. Chunki atrofingizdagilar bunga o’rganmagan hali. Taqib kelsangiz nimadir deydi baribir. Buni qabul qilish kerak.

Menga yarashmaydi, unday deydi, bunday deydi kabi fiklar jamiyat ongidagi baho. U o’zgarib boradi. Bugungi qora jentra yoki iPhone 15ga bo’lgan vasvasamiz, oradan vaqt o’tib kulgigi holatga aylanadi. Bunga misollar ko’p.

Agar atrofimizda kimdir ko’zoynak taqib kelsa, birinchi kuni ularga yaxshi gapiraylik, ijobiy munosabatda bo’laylik. Bu juda muhim. Ikkinchi kundan boshlab hech kimni ishi bo’lmay qoladi.

Yodda tutaylik, odamlar har doim nimadir deydi.

Bek Olimjon
21.12.23
Norvegiya