Qisqa javob: mumkin

Uzoq javob: Bir yigit yozyapti. ”Aka menda yuqori darajali miopiya bor, minus 7. Do’xtir og’ir yuk ko’tarma dedi. Qishloqda yashayman. Uyda ko’tarishga majbursan erkak kishi bo’lganingdan keyin. Lekin ko’zim ko’r bo’lib qoladimi degan havotirda bo’laman har doim” deydi.

Negadir yuqori darajali miopiyasi borlarga ”o’gir yuk ko’tarma” degan tavsiya berishadi. Aslida bu tavsiya qanchalik asosli o’zi? Dalillarga asoslangan fan nima deydi bu haqida?

Yuqori darajali miopiyada to’r parda ko’chishi xavfi yuqoriroq bo’ladi. Aholi o’rtasida to’r parda ko’chish holati o’rtacha har 100 000 aholiga 5 ta to’g’ri keladi. Miopiya borligi to’r parda ko’chish xavfini 10-12 baravargacha oshiradi. Shunday bo’lsada to’r parda ko’chishi 0,1% dan ham kam*

Shuning uchun biz oddiy mehnat borasida cheklov bermaymiz. Shu bilan birgalikda jismoniy mashg’ulotlarda ham cheklov bermaymiz. Yugurish, trenirovka qilish, zalga borish, tennis o’ynash va hokazolarda cheklov yo’q.

AMMO, yuqori miopiyasi bor insonlar bosh va ko’z sohasiga bo’ladigan travmadan ehtiyot bo’lishlari shart. Sababi bunday travmada to’r parda ko’chish ehtimoli anchagina yuqori. Shu sabab boks, MMA, futbol, xullas boshga zarba keladigan sohalardan uzoqroq yurish kerak.

Ko’zingizni asrang, miyani asrang, boshga urmang va urdirmang.

Bek Olimjon
15.12.23
Norvegiya

*Haarman et al. The complications of myopia: A review and meta-analysis. IOVS, 2020